Os nenos e nenas de 5 anos imprimiron coa axuda da súa mestra Aloia uns chaveiros moi chulos cos seus nomes

 

IMPRIMIMOS CHAVEIROS COS NOSOS NOMES

Os nenos e nenas de 5 anos fixeron unha secuencia didáctica en torno á impresora 3D. Cal era o resultado final que querían lograr? Imprimir un chaveiro co seu nome, escrito por cada un deles, e para iso tiveron que seguir unha serie de pasos.

O primeiro que fixeron na aula foi coñecer a impresora 3D, explicar as súas partes, falar sobre as dimensións, comprender e ver as diferencias entre obxectos de dúas e tres dimensións, ver cómo imprimía e os resultados que daba...

Despois puxéronse mans á obra, tiveron que practicar moito escribindo en papel para que o seu nome quedase súper ben feitiño e poder pasalo a tres dimensións e imprimilo.

Unha vez o tiñan listo practicaron a escribir o seu nome na pantalla coa aplicación Doodle 3D, onde todo o que escribes ou debuxas convertese automaticamente a tres dimensións. Despois no Ipad, onde teñen máis precisión, e con esa mesma aplicación crearon e gardaron eles mesmos os arquivos.

O seguinte paso foi empregar a aplicación do Tinkercad para elaborar a base do chaveiro co seu nome superposto, para iso tiveron unha pequena axuda da profe, xa que son programas de deseño complexos, exportouse o arquivo, gardouse nunha memoria externa e... directo á impresora!

O resultado foi espectacular, eles quedaron abraiados e xa podedes imaxinar a expectación durante todo o proceso de impresión.

Todo un proceso de sorpresas, motivación e aprendizaxe.

VIDEO-MONTAXE DO PROCESO: